Hótel Selfoss er glæsilegt og friðsælt fjögurra stjörnu hótel. Hótelið er staðsett á bökkum Ölfusár á Selfossi. Frá hótelinu er því einstakt útsýni yfir Ölfusána, allt út að Ingólfsfjalli. Það hefur 139 vel útbúin herbergi og einstaklega góða sali til að hýsa viðburði af ýmsu tagi, svo sem veislur, fundi eða ráðstefnur. Á hótelinu er einnig rómaður veitingastaður og vinsæl heilsulind.